Ghazal By:- Shaukat Ali Khan

Na he ibteda pay udaas hon na he inteha pay malaal hay
Bina wasl kaisay guzer gaie mera zindagi say sawaal hay

Tujhay poojnay main guzaar dein main nay sadiyan lail-o-nahar ke
Teray ishq say bandhi hay jo meri chah laa zawaal hay

Meri chahaton say baikhaber tou waadiyun main khhoo gaya
Teri yaad ka ik qaafla meri zaat main badhaal hay

Kaie uljhanoN say sujee hoe meri zindagi ke lakeer main
Kehin qarbay mazi-o-hal hay kehin moj-e-dard-e-wisaal hay

Kabhi khawhishon ke talab mujhay kabhi baiyaqeeni ka dar mujhay
Mera nafs jis simt bhe chalay wohi rusta mera zawaal hay

Teray aks main pinhaan hon main teray dard say jurda hon main
Tujhay soochna tau azeem hay tujhay pana kasb-e-muhaal hay

Kehin ishq hay kehin nuferatain kehin baibasi ke udaasiyaN
Yehi zindagi ke hain raahatain yehi zindagi ka wabaal hay

Kisay dil say shaukat juda krain kisay dil main apnay panah dain
Issi kashmakash main jeeye chalo yehi bandage ka Jamaal hay